الاهرامات لماذا؟؟؟؟؟؟؟؟؟؟؟؟؟؟؟

زرت الاهرام كذا مرة ولكن من أول مرة شفت الاهرام سألت نفسى الفراعنه ليه بنو الاهرام وازاى بنوها ؟؟؟؟وقريت كتير فى الموضوع دا كتب زى الخيال العلمى بتتناول الهرم الاكبر بشكل خاص ومقتنعتش بيهم لا من حيث ليه بنوه ولا من حيث ازاى بنوهمن كذا الف سنه من غير تكنولوجيا ولا أدوات ولكن بدماغى وذكائى المزمن وصلت لاجابة :هيا طقت فى دماغ خوفو لازم يعمل حاجة مفيش منها وتكون تعجيزية وتثبت للعالم فى الحاضر والمستقبل قد ايه كان خوفو مفيش منه ..... وجمع وزرائه اللى كانوا فى الاصل كهنة وطرح عليهم الفكرة . قام كاهن صايع ومرقع قايل على فكرة مفتكسة ..,اقترح بناء هرم بشكل كذا كذا وبأبعاد كذا كذا ولما سألوه ازاى هاتبنيه بحجارة بالحجم دا وتعليه الارتفاع دا قال :خلوا الموضوع دا عليا .........راحو قطعوا الحجارة من جبال النوبة ورموها فى النيل على طوافات خشب ومشيت مع الميه لحد الجيزة وهناك قام الكاهن الصايع المرقع عمل رافعة كبيرة على بكرة وربط الحجر فى الحبل وربط طرف الحبل فى جوز ثيران محترمين وخلى شاب صغير تحت التمرين يمسك الثيران ......وجمع الفلاحين بعد اقناعهم بأن خدمة سيدنا فرعون واجب وفرض وقربان والا مش هايحصل طيبل لا فى دنيا ولا فى آخرة .... واستعمل فى دا كل ما عنده من مواهب كهنوتيه ودرب الكهنه الشباب على سحب الفلاحين المؤمنين الراغبين فى خدمه فرعون دنيا وآخرة الى حافة نيل الجيزة تحت البكرة بالضبط وكاهن صغير تحت التمرين قاعد فوق الحجر ومعاه بصلة خضرا وللعلم البصل كان وحدة التعامل التجارى بين قدماء المصريين قبل اختراع العملة ......يقوم الكاهن موقف الفلاح تحت البكرة والكاهن اللى ماسك التيران يسحب التيران كام خطوة لقدام الحجر يعلا لفوق وبعدين ينزلوا الحجر فوق دماغ الفلاح بشويش والفلاح يشد أعصابه ويفتح ما بين رجليه ويحاول ان الحجر ما يقعش والكاهن الصغير اللى قاعد فوق الحجر يدلدل البصلة قدام الفلاح بطريقة فيها اغراء واثارة للفلاح المسكين فياخد خطوة للامام علشانيمد ايده ويمسك البصلة .....لكن البصلة مع الكاهن والكاهن فوق الحجر والحجر على ظهر الفلاح يعنى الفلاح لما يمشى خطوة البصلة بتمشى فى نفس للاتجاه نفس المسافة وعن طريق تحريك البصلة وريحتها المغرية للفلاح المسكين يستطيع الكاهن الشاب أن يتحكم فى سرعة واتجاه الفلاح لحد لما يوصل لموقع الهرم وميعديش على الناس دى انهم كل ما البنا يعلا يعملوا مزلقان رمل من الصحر اللى حواليهم علشان الفلاح المسكين يطلع فوقه لمكان الحجر ولما يوصل يقوم الكاهن الاشاب مقرب البصلة باستعمال خشبة على شكل زاوية يقوم الفلاح المسكين ماسك البصلة بسعادة غامرة ومنزل الحجر من فوق ضهره فى المكالن المضبوط وغمرة شعور الفلاح بالفوز العظيم يشخط فيه الكاهن محفزا للعودة الى الجيزة لجلب المزيد من البصل"!!!!!!!