نزلت الشارع الساعة واحدة بالليل اشترى علبة سجاير
كنت لسه حاطط كومنت على بوست بتاع واحد ملحد
تريقة مش على الإلحاد لا سمح الله
تريقة على المؤمنين مش على الإيمان
كلامى كان بيرن فى ودانى وبفكر فيه
كان عن السما وفوق وتحت
فكرت أروح طوكيو وأخلى البطراوى يقف فى نيو يورك
ونبص للسما فى ليلة من ليالى الصيف الصافية
ويقولى هو شايف إيه
افتكرت ساعتها انى من زمان مقعدتش أتابع مجموعتى النجمية المفضلة
كوكبة الجبار
من زمان أوى مقعدتش أتابعها بالليل أشوف مكانها بينتقل فين
وعلاقتها بالنجوم التانية
مجموعة الثريا بردك تبعنا
من سنة 2002مشفتش سما
أعمل إيه بس ؟؟؟؟؟
عموما البطراوى أصلا مابيفهمش فى الفلك ومكانش هايعرف يوصف
بس اللى أنا مستغربله
إزاى مجموعة زى الدب القطبى بتبقى باينى لكل سكان النص الشمالى طول السنة
كنت هاقعد أذاكرها للبطراوى وابعته نيويورك واستناه فى طوكيو ونشوفها سوا
ممكن تكون باينة من المدينتين بس هاتبقة على حافة السما وممكن تقع
فى الميه؟؟؟يالهوى !!!!!!!!!!
ومين المسئول عن كدا
لالالالالالا مش معقول طوكيو مش مدينة ساحلية مستحيل تقع منى فى الميه
بس لازم البطراوى يخللى باله حتى لو كان ساحل نيويورك شرقى
ممكن فى حل
أروح أنا نيويورك وأخللى بالى أنا
بس البطراوى مابيعرفش يتكلم يابانى
سؤال
لو انطلق منى شعاع نحو السماء فى نيويورك
وانطلق من البطراوى شعاع فى طوكيو
أين يتقاطع الشعاعان؟
الاجتماع الاول و لا الاخير !؟
قبل 5 أعوام
هناك 4 تعليقات:
حسب اتجاه الشعاعين في كل مكان
مش معنى انه خرج من نيويورك و التاني من طوكيو انه لازم بالضرورة حيتقاطعوا
انت بتعرف تتكلم ياباني؟
حفصة
الشعاعين لا يمكن يتقاطعوا بالطريقى دى
لأنهم الاتنين متجهين لفوق بس كل فوق منهم عكس التانى
-------------------
طبعا بعرف يابانى بطلاقة
بس اللى مطمنى ان البطراوى هايسلك فى نيويورك
لأن ساحلها شرقى
والنجوم بتغطس فى الغرب!!!!
عاجباني دماغك
thx
شركه تنظيف
إرسال تعليق