الخميس، فبراير 28، 2008

عصام الحضرى _أحمد السيد _نادى المبادىء

..
فى ستين داهية يا عصام ...تبدل الأهلى بنادى هيالا فى سويسرا
وكأن سويسرا ارض الجحيم والبؤس وانعدام المستوى والمقارنة بكل ما هو أهلاوى

تعامل نادى المبادىء مع هذه القضية عبر توجيه الرأى العام الغوغائى إلى كراهية اللاعب العظيم
ومسحه من الذاكرة ..بل والتجريح فيه...
إنها المبادىء
فى حين لم يتعامل بنفس الطريقة مع لاعب آخر يواجه قضيه جنائية بالمعنى الحقيقى للكلمة
فاللاعب وسيط فى رشوة
ولكن القضية لن تضر مصلحة نادى المبادىء ولا مسيرته المظفرة من أجل الحصول على الدورى
من بين أنياب الأعداء
فما هو سر التباين فى أسلوب التعامل فى القضيتين؟
السر أنه نادى المبادىء
نعم بدون أى سخرية
مبادىء لا تعنى بالضرورة شيئا متعارفا عليه فكل واحد ومبادئه
الحضرى خرج عن قطيع الطاعة واختار لنفسه طريقا
رغم أن الحضرى اعتذر عن سفره بقرار من جانبه وهذا حقه
لكن اختيار فرد فى مؤسسه النادى الأهلى طريقا لنفسه
ليس من مبادىء النادى الأهلى
وإن كان هذا الفرد نابغا
والحضرى يدرك أن الأهلى يقضى على الأفراد ذوى الشخصيات القوية
ولا ننسى طاهر أبو زيد
وعلاء ميهوب
وطبعا الفاسد الكبير ذى الشخصية القوية أحمد شوبير
وصولا إلى ابراهيم سعيد
الأهلى يمثل المجتمع المصرى الأسرى
لا يعتبر فردية أى انسان الا لصالح السلطة الأبوية
رغم عدم ازعاج هذا الكيان الفردى
ويتغاضى عن الفساد الحقيقى من رشوة وكذب
وتضليل للناس
وإخفاء للحقيقة
حتى لا يشق عصا الجماعة
الأهلى ______________مصر
منتدى السد العالى

هناك 15 تعليقًا:

^ H@fSS@^ يقول...

ملاحظتك في محلها بس انت كده ضيعت على القارئ فرصة انه يقلك ان اللي حصل مع الحضري ده له علاقة بالموضوع اللي فات عندك هنا
اللي هو علاقة الفرد و سلطوية الاسرة
الحضري كل ما فهيا انه بص لمصلحتة الشخصية و ده من حقه ميه ميه و محدش يقدر يقول غير كده
بس طبعا الاهلي عشان حيموتوامفقوعين منه انه هو كسب عقد احترافه من غير ما هما ينولهم من الحب جانب فطبيعي انهم حيشنعوا لعيه و يعتبروها خيانة و جبن و و و الى اخ راللستة المعروفة يعني
و الدليل التاني على ازدواج معاييرهم هي الامثلة اللي انت ذكرتها

تحياتي

بي اس:
هو انت مينفعش تكتب حاجة بشكل غير كامل على اساس تدينا فرصة نعلق و قال يعني نضيف لرايك شئ؟؟
او ان احنا اضفنا للمدونة كلمتين؟ظ
يعني
من باب الاكتراح
:)

خيرالدين يقول...

يلا يا عم خلى الناس تتبسط

الاهلى فوق الجميع والكلام اللى صدعوا به دماغنا

الاهلى فعلا نموذج مصغر لمصر

على باب الله يقول...

أزاي تقول الكلام ده عن نادي المباديء ؟

أنت مش عارف أن الأهلي فوق الجميع ؟

و علشان هو فوق الجميع , من حقه أنه يطيح في الجميع

دي اساس ثقافة المصري

------

DantY ElMasrY يقول...

حفصة _انتو_الريحانى
الملفت للنظر كمية القسوة اللى بنعامل بيها بعض وقت الخلاف
احنا بندبح بعض قبل ما نفكر
ولما الدم يبقى للركب نقف مذهولين

ذو النون المصري يقول...

انا عاجبني الحضري جدا و كان الموضوع ممكن يعدي بسهوله مع حفظ كرامة اللاعب و مكانته لكن اللي حصل انهم اهدروا دمه و البعض طالب بسحب الجنسيه و كان الاهلي فعلا هو مصر
شيء مخجل و محزن فعلا

زمان الوصل يقول...

كان لافت للنظر فعلا القسوه التى تعاملت بها الجماهير مع موضوع الحضرى
كان شئ مذهل و تقريبا فى اسرة كل منتقد فرد حاول بصوره شرعيه او غير ذلك الهرب من مستنقع مصر الى اى مكان تحت الشمس -اللى بجد- فى العالم

كان شئ مذهل و كلنا تقريبا عانينا من تحكم و استبداد رؤسائنا .. سواء رؤساء العمل او رؤساء البلد .. كان شئ مظلم ان اعتى و اقسى الظلمه يكونوا من كتيبة المظلومين السابقين

كان شئ مخجل ان وسائل الاعلام و الجماهير التى رفعت الحضرى بالامس على الاعناق و صفقت له كى يرقص هى نفسها التى اخرجت له دفاتره القديمه و عيّرته إنّه دمياطى !! إخييييييييه فالاد خرسيس مارسيس إتنطّط على أسياده أهل جبلايا !! فعلا مفروض الأهلى يغير اسمه الى نادى الجبلايه ..

شئ مقرف و مخجل كذلك هذه الشرشحه و فرش الملايات و الردح الذى شارك فيه عدد لا باس به ابدا من الصحافيين !! معلش يا حضرى قدرك تكون القشه التى قصمت ظهر البعير و اظهرت كل هؤلاء الأفاقين على حقيقتهم .. ولو انها معروفه

Desert cat يقول...

طيب وايه يعنى لما الحضرى يشوف مستقبله
اعتقد ان اللى قاعد حاطط رجل على رجل وقاعد يشتم فيه ده حد الغل والحقد واكلين قلبه

Layla يقول...

موقف النادي الاهلي من احمد السيد ومن الحضري هو بالضبط سبب تسمية الاهلي بالحزب الوطني

مبادئ مطاطة و قوانين لا معنى لها..واشخاص يتعاملوا مع الاهلي على انه مصر وانه لما ساب النادي الاهلي بقى خاين لوطنه ولازم نسقط الجنسية المصرية عنه

قمة في الانحطاط

تحياتي لك

DantY ElMasrY يقول...

ذو النون المصرى
معلش ناس تخاف ماتختشيش
عارف بعد ما حسنى مبارك دخل فى الموضوع وأوصى بإن الولد لازم يحترف
ناس قالت ان الريس زملكاوى
وناس تانية قالت انه عاوز يفرغ البلد من الكفاآت
حكم

DantY ElMasrY يقول...

زمان الوصل
كتيبة الظلمة السابقين اللى بتتكلمى عنهم
مش سابقين ولا حاجة
دول حاليين
لاحظى اللى حصل فى الشات على الفضائيات
ومدى التحرش اللفظى اللى تعرض ليه الحضرى
فاكرة النغمة بتاعة ابن الحته وولاد الحارة
ورفض السفر للخارج اللى كانت فى مسلسلات اسامة انور عكاشة فى التمانينات
ولو حطيتى جنب دا فكرة الجيتو عند اليهود ورفضهم وادانتهم للغربة وترك الديار
فى العهد القديم
ومدى سهولة تضليل الرأى العام المصرى
لأنه أحمق وغوغائى
مش عارف أقولك إيه بس
تحياتى

DantY ElMasrY يقول...

desert cat
علاقة الحضرؤى بالنادى الأهلى زى أى علاقة عمل فى مصر
زى ما من حق الأهلى انه ينهيها فى الوقت اللى يريحه كونه فى الوضع الأقوى
الحضرى كمان من حقه يشتغل فى المكان اللى يريحه
قانونية الموقف من عدمه يرجع الحكم فيها لأهل الإختصاص
مش الواد يتعرض لإدانة أخلاقية
واللى شتمو الحضرى يا ستى دول ناس مأجورين بيقدمو خدماتهم علشان مافيا الميديا تسيبهم ياكلو عيش
نوع تانى بيستسهل وينافق المؤسسات الكبرى ويتملق الغوغاء
شكرا

DantY ElMasrY يقول...

مارفل
اللتشابه كبير بين الأهلى والإدارة المصرية
قمع للأفرادخصوصا الموهوبين -البقاء فى الحكم لفترات غير محدودة -تداول الأكاذيب عن مثاليات وأخلاقيات هم أبعد ما يكون عنها

-_- يقول...

المفروض انه يحترم العقد اللي بينه و بين الاهلي

ياسر شمس الدين يقول...

طيب مال الاهلى باتنين واحد هرب منه بعد ما الاهلى اداله كل حاجه والتانى بيستغل فساد البلد عشان يكسب شويه فلوس
ايه علاقه الاهلى بكده
عصام الحضرى خاين واحمد السيد فاسد
للاسف تسمحلى اختلف معاك الاهلى مؤسسه اداريه ناجحة جدا ومنظمه جدا ولا تمارس التسلط على اى لاعب
كل اللاعيبه بتاخد حقها وزياده شويتين تلاته
واذا كان الزمالك فاشل طول عمرة عايز الاهلى يبقى فاشل زيه وبعدين انا بستغرب من الزملكاويه اللى طول عمرهم بيتقطعوا ويشيلو خمسه وسته واربعه من كل انديه مصر مش من الاهلى بس واخر خمسه كانت من الحدود عايز الاهلى يوصل بيه الحال زى الزمالك لا ده كيان بيحافظ على نفسه
وكفايه ان الاهلى قدم لمنتخب مصر لاعيبه جابت ليه كاسين ورا بعض كل ده بفضل الله ثم الاهلى ثم جوزيه

DantY ElMasrY يقول...

اهلى اهلى
........بيب
بيب