عندما وجدت نفسى روحا بلا جسد

الصوت الملائكى:أنا مش هاقدر أروح دلوقتى علشان عندى شغل ,واحد مات واتحاسب ورايح أشوف نتيجته .

- أنا :طيب ماهو كل ما أطلب منك حاجة هاتقولى مشغول .هو الموت بيبطل ؟أنا مش منقول من مكانى قبل ما تحققلى طلباتى

الصوت الملائكى:هاكلملك رؤسائى .ثانية واحدة

غاب الملاك قليلا ثم عاد للظهور وقال :أقدملك"ستب تو إيل "..هى إز يور تور ليدر

-أنا :هو خريج لغات ..ممكن يكلمنى عربى

ستب تو إيل :ممكن طبعا ..اتفضل ياعمور

أنا :على فين ؟

ستب تو إيل :على الجنة .مش عاوز تشوف أصحابك سقراط وفولتير وغاندى ؟

أنا :هما فى الجنة ؟!!!!دا انا كنت فاكرهم غير كداوقال كنمت عاوز اطلعهم ..الحمد لله ربنا كبير وعادل وأهل لكل ثقة ..طيب أنا غيرت رأيى

ستب تو إيل :خلاص ؟هاتستلم القصر

-

أنا : لا! هانروح مشوار مع بعض

ستب تو إيل :فين يا عمور ؟أنا تحت أمرك

- أنا: عاوز اشوف عزازيل

ستب تو إيل :أنت طلباتك كلها غريبة كدا ؟

-أنا :أنا عاوز استلم على نظافة ..أصلى شفت فى الدنيا كتير ومكنتش قادر أعمل حاجة وكنت بسمع كلام كتير عاوز أتأكد من صحته .

ستب تو إيل :شكله كدا مش آخر طلب !

- أنا :عليك نور ..هههههه

ستب تو أيل :بس أنت عارف إن عزازيل لسه مجاش .

-!!!!! أنا:صحيح بس عاوز أشوف أوضته

.

ستب تو إيل :اركب ورايا .

ركبت وراه حاجة زى الموتوسيكل وبمجرد الركوب لقيت روحى أنا وستبتو إيل قدام أوضه على بابها واحد واقف بمنتهى الإشمئناط .

تقدم ستب تو إيل للواقف مناديا

:ستيبانوهل!!!!!!!!! معايا ضيف عاوز يلقى نظرة .جهز الغواصة وهات بدلة الزيارة .

قدم لى ستب تو أيل بدلة تشبه بدل رجال الفضاء فلبستها ثم صعدت الى عربة تشبه الغواصة بها فتحة زجاجية .

سألت ستب تو إيل :هو صاحبك ضارب بوز ليه كأن حد مزعله ؟

ستب تو إيل :أبدا هو بس مركز علشان مستنى عزازيل .

- أنا : مجهزين مقابلة يعنى ....يا نهار اسود ...لما المقابلة كدا أومال العذاب إزاى ؟

ستب تو إيل :هاتشوف عينة.

-دخلنا أوضة لقيت فى ترمومتر قرايته 1200 مئوية وفى الوسط موجود خازوق ضخم طالع منه حراشيف مدببة على طول الخازوق .

سالت ستب تو إيل :بيشتغل إزاى ؟

ستب تو إيل :اولا درجة الحرارة عندهم تحكم فيها إلى ملا نهاية .لكن الخازوق دا حكاية تانية .دا واخد كهربا لا تقل عن 22ألف فولت .والحراشيف معمولة من التيتانيوم

وكل دا راكب على آلية طرد مركزى لما بتشتغل بتولد أشعة جاما .تخيلت العذاب ؟؟؟؟؟؟؟؟؟

الأوضة كانت كئيبة وسودا وحراسها بيهزوا الأرض وشكل السلاسل أصلا يهز البدن فقلت

-ياللا بينا .أنا أعصابى اتوترت الأوضة كئيبة والله أنا عذرت صاحبك ستيبانوهل :

ربنا يكون فى عونه

ستيب تو إيل :عاوز تروح حته تانية ؟

- أنا :أيوة فى ناس مكانش مسموح للى زيى بالكلام عليهم وكنت تلاقى اللى يقول عليهم نص كلمة متهم بكل حاجة وحشة .رغم انهم كانوا بيبيعوا اى حاجة عشان الفلوس وواحد منهم قاللى انت عمرك ما هاتورد على جنة .

ستب تو إيل :بص يا عمرو .انا ملاك مابفهمش فى البلاغة والتورية .مبفهمهاش وهى طايرة ....نزلها ووريهالى بوضوح عشان أفهم .

أنا :قصدى الزعامات الدينية .الرسمية منها خصوصا

يعنى شيوخ الإسلام والبطاركة والأحبار والناس دى كلها .

ستب تو إيل :شوف يا عمور ...أنا مجرد تور ليدر ..مقدرش اتكلم بشكل مجرد .....يعنى لو عاوز تروح مكان معين أنا تحت أمرك .

- أنا :عاوز اشوف حد من الناس دى وحد يفسرلى وضعهم عشان انا عارف ان لسانهم طويل وقدراتهم اللغوية والخطابية متخليش واحد زيي يعرف يرد .

ستب تو إيل :الكلام دا خارج اختصاصى .ثوانى اعمل تليفون .

أخرج ستب تو إيل جهازا يشبه موبايل اريكسون تى 28 وتحدث قليلا

ظهر فى الأفق وجه مطمئن ذو أجنحة تسد الأفق .

قدمه لى ستب تو إيل :رئيسى .كلوز تو إيل

هايخدك مكان ما أنت عاوز ويجاوبك على أسئلتك .

- أنا :شكرا يا سيدى !!!اتفضل أنت سلام يا ستب تو إيل ....باى

نظر لى كلوز تو إيل نظرة كلها تشجيع وقال

-عاوز تروح فين ؟-

أنا :مش ستب تو إيل اداك فكرة؟؟انت باين عليك محترم ومش هاعرف اتكلم معاك