الثلاثاء، أبريل 07، 2009

إمسك ...مثقف مدعى

السيدة منى الشاذلى استضافت الدكتور محمد البرادعى وأثناء الحوار انكشفت منى على حقيقتها الضحلة ,والفقيرة لغويا ومعرفيا
ولعلم الجميع ضحالة اللغةدليل قاطع على ضحالة الفكر
الأستاذ البرادعى قال:لازم الناس تتغير ويطوروا مفاهيمهم عن الانسان والوطن حتى لو هايتصدموا(انتى فاهمة يا منى)
منى كان لازم تحسس الضيف المشهور اللى هيا جايباه انها فاهمة فقالت:بس كدا هانصطدم بالثوابت بتاع الناس وعاداتهم وتقاليدهم !!!!!!!!!!!!!!!!!!!


لم افهم منها كيف نسعى للتنوير والتغيير ونخشى على الناس من صدمة المعرفة

البرادعى نبهها الى غلطها فى الميل تجاه السائد بين الناس


امبارح كانت بتعارض الاضراب على اساس انه مش من عادات المجتمع المصرى
قالت اننا ممكن نتقبل اضراب صغير فى مصنع او حتى نقابة

لكن اضراب عام دى فكرة مرفوضة وغريبة عن سلوكياتنا ؟؟؟؟؟؟؟؟؟؟؟؟؟؟؟؟؟؟؟؟؟
ناسية او متناسية ان الاضراب العام ما هو الا مجموعة من الاضرابات الصغيرة

لكن نقول ايه ؟
انها تدافع عن امن الدولة

هناك 10 تعليقات:

عباس العبد يقول...

ما هو ده اللى بنقولو من ملايين السنوات الضوئية
العقل الجمعى عقل " بكابوظى " ضايع
لازم الناس تنضف حتى لو حتتصدم
ربنا يكون فى عونا

زمان الوصل يقول...

بالأمس مع إعادة جزء من حلقه سابقه من البرنامج مع "جميله اسماعيل" و حين دمعت عينا "جميله" فجأه و على غير توقّع فوجئت ب "منى الشاذلى" و قد بدت لى كمقدّم البرنامج الذى يخشى أن يسرق الضيف الأضواء منه بعد أن اعتاد أن يكون هو محور البرنامج و الكون كلّه فأرسلت أمرا مباشرا لعينيها كى تطل منهما دمعتان عشان ماتبقاش "جميله" بس اللىّ بتعيّط أمام الكاميرا !!

"منى الشاذلى" بكل أسف تحوّلت من مقدّمة برنامج ناجحه لمشروع ممثله فاشله ..

hartaka يقول...

مني الشاذلي بتاعه
ومعانااااااااا سيادة اللواء وزير الداخليه مشعارف مين
بخصوص العقل البكابوظي علي راي عباس العبد
شوف دي
http://hartaka.blogspot.com/2009/03/blog-post.html
اكتر واحد عبر عن حاله العقل الجمعي والسائد

ذو النون المصري يقول...

بس برضه لو قارنتها باي مزيعه في اي تليفزيون في كل بر المحروسه
اكيد هتلاقي لها حضور اقوي و تميز اوضح
كفاية الغم اللي في باقي القنوات

DantY ElMasrY يقول...

مين يقول ومين يسمع يا عبس
التعليم مش شهادات بناخدها ونفضل نتصرف نفس تصرفات اجدادنا المحترمين علشان هما اجدادنا

لعلمك منى الشاذلى كناصرية مش شايفة ان البلد فى مشكلة غير اعادة توزيع الثروة وكل حاجة هاتتصلح لوحدها

بالاضافة لما سبق طلعت ببطن

DantY ElMasrY يقول...

زمان الوصل

دى ممثلة جامدة يا فندم
وتلاحظى مستواها التعبان يبان من لغتها الركيكة والبناء للمجهول عمال على بطال

DantY ElMasrY يقول...

هرطقة

لاحظت ان شعبيتها كبيرة لأنها من النوع اللى انت اتكلمت عنه فى بوستك

نحن مجتمع يخشى على نفسه من المبدعين

DantY ElMasrY يقول...

نون اقرا افتح اللينك بتاع هرطقة ولو منفعش معاك خليك زى ما انت وريحنى بس انصحك
لا تتعاطى العشرة مساءا

قلم جاف يقول...


قالت اننا ممكن نتقبل اضراب صغير فى مصنع او حتى نقابة


عاملة زي اللي بيقول شرب الخمرة في كاس إزاز حرام وشربها في مج فخار حلال زلال.. شرب الحشيش مر والراجل اللي بيكرس..

دي إعلامية؟ دي قناة؟

دة صووووووووووووووت؟ :(

DantY ElMasrY يقول...

قلم جاف

بتحسسنى بمنطق ربات البيوت

مع احترامى لجهود ربات البيوت